HATAW! D'yaryo ng Bayan hatawtabloid.com
Isang-taong gulang na bata ang nasawi matapos malunod sa malawakang baha sa Malolos City, Bulacan kamakalawa.
Ayon sa ulat, naiwang natutulog ang bata na hindi na pinangalanan sa tabi ng kanyang ama nang pasukin ng baha ang kanilang bahay.
Dahil mahimbing ang pagkakatulog ay hindi umano naramdaman ng ama na nasa panganib na ng mga oras na iyon ang kanyang anak.
Napag-alamang pagbalik ng ina ay dito na niya nakitang nakalutang na sa tubig-baha ang walang buhay na anak.
Kaugnay ng insidenteng ito ay balot pa rin ng pangamba ang mga residente dahil malalim ang baha sa ilang bahagi ng Calumpit, Bulacan kung saan bangka na ang kanilang sinasakyan.
Sa bayan ng Hagonoy ay pinagsamang ulan at high tide sa Manila Bay ang dahilan ng hindi pa humuhupang baha kaya apektado na nito ang kabuhayan ng mga residente.(Micka Bautista)
