HATAW! D'yaryo ng Bayan hatawtabloid.com
ni Allan Sancon
MASAYANG humarap sa media ang mag-asawang Sarah Geronimo at Matteo Guidicelli at walang pasubali silang nag-share ng kanilang buhay mag-asawa.
Nakatutuwang panooring very sweet ang dalawa habang sinasagot ang mga tanong sa kanila. Sa harap ng media, “love” ang kanilang tawagan. Katulad na lamang ng tanong kung sino sa kanila ang madalas maghugas ng pinggan pagkatapos nilang kumain. Na sinagot naman ni Matteo na si Sarah dahil pagkatapos niyang kumain ay nagmamadali na siya para pumasok sa trabaho.
Natanong din kung sino ang mas madalas magluto? Ani Matteo, “For your information po naka-graduate si Sarah ng Culinary Major in Baking kaya mas madalas at masarap siyang magluto sa aming dalawa”
Nang matanong ukol sa kung sino ang mas madalas pumasok sa business venture, buong pagmamalaking sinabi ni Sarah na si Matteo. Sa kanya ang artistic side pero si Matteo ang may idea na pasukin ang kanilang mga negosyo.
Ipinagmalaki pa ng mag-asawa na may balak silang mag-manage ng mga talent para makatulong sa nais maipakita ang kanilang mga itinatagong talento.
Naitsika rin ng dalawa na mayroon silang itinayong G Studio sa Alabang area para sa mga nais mag-shoot o mag-recording sa bandang south area.
At sa darating na big concert ni Sarah sa Araneta Coliseum sa July 7, 2023, sila na ang nag-prodyus ng concert kabakas ang Viva Entertainment.
Si Sarah ang bagong celebrity ambassador ng Sun Life at inengganyo siya ni Matteo na mag-invest para sa kanilang future.
