Joshua ‘nainggit’ sa mga batang marunong tumugtog at kumanta

MATABIL
ni John Fontanilla

MATAGUMPAY ang Rock The World Charity Concert ng Academy of Rock na ginanap last July 1 sa Music Museum sa pangunguna ng presidente at founder nitong si Prescila Teo at ng mga shareholders nitong sina Jonathan Manalo, Rox Santos, Enchong Dee, at Joshua Garcia. 

Ani Joshua, “Natutuwa ako, nakakapang-lambot ng puso na makita mo ‘yung mga kabataan. And I’m sure maraming mai-inspire rito at sana ‘yung mga magulang patuloy nilang i-encourage ‘yung mga anak nila na mag-try ng iba’t iba (singing and playing instruments) para makapag-explore sila. And ito namang event na ito ay isang charity and at the same time it’s a recital.”

Pakiramdam nga ni Joshua ay parang mga anak niya ‘yung mga bata habang nagpe-perform ang mga iyon. “Oo ganoon ‘yung pakiramdam, hindi kasi ako naging ganoon ka-active sa AOR kasi nga naging busy ako sa trabaho and this is the first time naka-attend ako.”

And you can say now na worth it ang pagsugal mo sa ganitong negosyo, tanong namin sa kanya, “Of course, hindi mo masabi na baka may ma-discover ka rito na artist and at the same time nakatutuwa na makatulong kami na mag-explore ang mga bata. Kasi alam natin na kailangan nating ipa-experience halos lahat para makapili sila kung anong talent nila.”

Dagdag pa ng aktor, “Natutuwa nga ako kasi noong bata ako wala akong ganito. Wala akong instrument, walang nagtuturo sa akin. With the academy natutulungan natin ang mga bata.”

Soon ay baka magkaroon sila ng scholars sa mga talentong gustong matuto pero walang kakayahang magbayad.

Espesyal  na panauhin at naghandog ng awitin sina Idol Philippines Season 2 Khimo Gumatay, Cesca,Trisha Denice, at Yeng Constantino.