Network war ‘di totoong tapos na

PUSH NA’YAN
ni Ambet Nabus

MAHIRAP talagang bilhin o paniwalaan ang naging pahayag ni GMA 7 prexy Atty. Felipe Gozon na nag-end na ang network war dahil kung simpleng pagbabasehan ang naganap last July 1, very obvious na buhay na buhay ang kompetisyon sa TV.

Ang totoo, sa pag-effort ng mga show na magpakita ng bago at world-class perfomances, negosyo talaga ang lumalabas na pangunahing konsiderasyon what with their costumes, mga song and dance portion, bagong stages (bigla kaming gumamit ng salamin dahil nanibago talaga sa kanilang design etc).

Masayang-masaya ang sambayanan, ang madlang pipol, ang Dabarkads, kapuso, kapamilya, kapatid, advertisers, mga politiko, supporters, at mga basher at negatrons, dahil araw-araw ay mayroon pa rin talaga silang pagpipiyestahan.

Mabuhay ang Philippine Television at socmed platforms!