HATAW! D'yaryo ng Bayan hatawtabloid.com
SUGATAN ang tatlong pulis at isang sundalo nang pagbabarilin ng mga tauhan ng isang dating alkalde sa bayan ng Maimbung, lalawigan ng Sulu, nang ihain ang mga warrant of arrest laban sa politiko nitong Sabado ng umaga, 24 Hunyo.
Ayon kay Maj. Andrew Linao, tagapagsalita ng PA Western Mindanao Command, nagsanib-puwersa ang pulisya at sundalo upang hainan ng search at arrest warrants si dating Maimbung mayor Pando Mudjasan, wanted dahil sa pagkakasangkot sa ilang kaso ng pagpatay
Ani Linao, habang papalapit ang mga awtoridad sa bisinidad, pinagbabaril sila ng mga tauhan ng dating alkalde.
Nabatid na kinakaharap ni Mudjasan mga kasong frustrated murder; double murder; multiple murder; at ilegal na pag-iingat ng mga baril at pampasabog.
Kinilala ang apat na sugatan sa panig ng gobyerno na sina Capt. Ergie Wanawan, P/SSgt. Julakbar Jahani, P/SSgt. Jadier Alfad, at P/Cpl. Alnadzmie Sahiran.
