HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
SIYAM na taong celebrity endorser ng Nailandia si Marian Rivera dahil sobrang epektibo nitong endorser.
Ayon sa may-ari ng Nailandia na si Noreen Divina, nakilala nang husto ang kanyang nail salon at foot spa chain na pag-aari nila ng mister niyang si Juncynth Divina nang maging endorser nila si Marian simula noong 2014.
“Napakabait ni Marian,” ani Noreen.
“To think na nandoon na siya sa stature na Marian Rivera, ‘di ba? Napakabait.
“Parang, ‘Totoo ba ‘to? Artista ba ‘to? Superstar ba ‘to?
“Ambait-bait niya, napaka-down-to-earth.
“At napakaganda!
“At noong na-meet ko siya may show siya sa GMA, ‘yung ‘Marian,’ ay naku, naka-tank top, dyusko ganyan lang ‘yung waist, napakaliit, grabe!”
Host si Marian noong 2014 ng kanyang sariling musical variety show sa GMA, ang Marian.
Masaya si Noreen na tumagal ng siyam na taon ang samahan nila ni Marian, hindi lamang bilang negosyante at endorser, kundi bilang magkaibigan.
“Actually ‘yung relationship namin ni Marian, hindi na more on business.”
At ilang beses niyang napatunayan ang kabaitan at pagiging totoong tao ni Marian, lalo na noong kasagsagan ng pandemya.
“Our business relationship has transcended into a strong and deep friendship,” nakangiting wika pa ni Noreen.
Iginiit pa kay Noreen na napaka-epektibong endorser ni Marian.
“Nakilala nang husto ang Nailandia dahil sa kanya, napaka-effective niyang endorser, wala akong masabi. And kasi naman ‘di ba, sa fans pa lang niya, sobra, grabe!
‘Tapos napaka-perfect niyang role model, good wife, good mother, good daughter, good apo, good friend, ideal na celebrity, walang bisyo, malinis ang image.
“Complete package!”
At noong May 26, muling nag-renew ng kontrata si Marian bilang nag-iisang celebrity endorser ng Nailandia nail salon and foot spa sa ikasiyam na taon.
Present sa renewal si Mike Tuviera ng Triple A (All Access to Artists, Inc.) management na siyang nangangalaga sa career ng aktres at ang mag-asawang Noreen at Juncynth.
Naibahagi rin ni Noreen na wala na silang balak kumuha pa ng ibang female endorser.
“Marian Rivera is Marian Rivera, siya lang sapat na, actually sobra pa! Napakalakas ng hatak niya sa tao.”
“At siya mismo ang nagtatangkilik ng Nailandia, talagang pumupunta siya, dinadala niya ‘yung mommy niya, ‘yung lola niya.
“Nagpapa-spa party siya sa mga kaibigan niya. At may advocacy siya tungkol sa mga single mother, pina-spa party niya.”
Sinabi pa ni Noreen na, “Nailandia is coming up with something very big before the year ends, for the public! Something very exciting.
“Because Nailandia is blessed with so much, so we are giving back to the people just the same.”
