Inatake ng epilepsy
TANOD NALUNOD

PATAY ang isang barangay tanod matapos malunod sa ilog nang atakehin ng epilepsy sa Navotas City, kamakalawa ng hapon.

Kinilala ang biktimang si Richard Balong Orque, 51 anyos, tanod ng barangay sa San Rafael Village ng lungsod.

Sa inisyal na imbestigasyon nina P/CMSgt. Aurelito Galvez at P/SSgt. Allan Bangayan, pinuntahan ng biktima ang bagong biling steel sheet sa gilid ng ilog para gamitin sa pagkukumpuni ng bahay nang atakehin ng epilepsy.

Paglaon ay gumaan din ang pakiramdam nito dakong 1:00 pm nang makapagpahinga.

Laking gulat ng saksing si Ryan Michael Sosing, 28 anyos, nang makita ang biktima na nakalutang sa riverside sa ilalim ng Marala bridge sa Brgy. San Rafael Village.

Agad humingi ng tulong ang saksi sa isang concerned citizen para i-revive ang biktima bago isinugod sa Tondo Medical Center ngunit idineklarang dead on arrival.

Sinabi sa pulisya ng mga kapitbahay ng namatay, may history ang biktima ng epilepsy. (ROMMEL SALES)