HATAW! D'yaryo ng Bayan hatawtabloid.com
ni Allan Sancon
NAGKITA sa isang event sina Herlene Budol at Zanjoe Marudo. Hindi maiwasang mabighani ni Herlene sa kagwapuhan ni Zanjoe. Kaya matapos ang event ay hiniling niyang magpa-picture sa aktor.
“Ang gwapo pala ni Zanjoe sa personal at ang tangkad. Sana makatrabaho ko siya soon. At saka si Coco Martin. Ngayong nauuso na ang collaboration ng ABS-CBN at GMA7, sana makatrabaho ko rin ang ilang Kapamilya stars,” pahayag ni Herlene.
Parehong special guests sina Herlene at Zanjoe sa World Gin Day na ginanap sa Westin Manila Hotel sa Ortigas Pasig City noong June 8, 2023. Judge sila sa isang cocktail mixing contest ng event.
Natanong natin si Zanjoe kung anong reaksiyon niya na gusto siyang makatrabaho ni Herlene?
“Naku, mukhang magkakatrabaho kami nito. Hindi talaga ako sanay na makatrabaho ng medyo ka-height ko pero why not? Malay mo ‘di ba makatrabaho ko si Herlene soon.”
Excited na si Herlene sa upcoming teleserye niya sa GMA 7, ang Magandang Dilag na siya ang magbibida. Si Zanjoe naman ay looking forward na rin sa kanyang bagong pelikula kasama si Daniel Padilla.
