HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
ISA si Ice Seguerra sa mabilis na nagpahayag ng saloobin sa biglaang pamamaalan ng Eat Bulaga sa ere. Produkto ng Little Miss Philippines, isa sa click na click na portion noon ng EB, si Ice at dito siya nabigyan ng pagkakataon para ma-develop ang hosting, singing, acting career.
Sa post ni Ice inamin nitong hindi niya alam kung malulungkoy ba o sasaya na siyempre ang tinutukoy niya ay ang pamamaalam nga ng Eat Bulaga sa ere.
Panimula ni Ice sa Facebook post niya, “Hindi ko naiintindihan ang nararamdaman ko. Lungkot ba o saya?
“Malungkot ako sa nangyayari. Sa kawalang respeto. Malungkot ako dahil sa hiwalayang Eat Bulaga at TAPE, mayroong mga taong mag-iiba ang lagay sa buhay. Nalukungkot akong umabot sa ganito.”
Pero sa kabila ng lungkot, masaya si Ice. Aniya, “Pero masaya ako dahil malaya na sila. Eat Bulaga is Eat Bulaga. Kahit saang network sila mapadpad, walang paltos silang makakalipad.
“Kaya sulong lang, Dabarkads. Simula pa lang ito nang mas maniningning na hinaharap.”
Samantala, wala pang inilalabas na statement ang TAPE Inc, habang isinusulat namin ang balitang ito.
Matunog naman ang usap-usapan na posibleng sa TV5 mapanood ang TVJ at iba pang Dabarkads.
Well, ‘yan ang hihintayin natin
