Enchong at Joshua type ni Maricel mainterbyu

MA at PA
ni Rommel Placente

SA guesting ng Diamond Star na si Maricel Soriano sa YouTube vlog ni Ogie Diaz, tinanong ng huli ang una, kung sino sa mga local stars ang bet niyang ma-interview sa kanyang vlog? 

Sagot ni Maricel, “May mga bagets akong gusto kagaya ni Enchong (Dee) kasi mahusay siyang umarte, tuwang-tuwa ako hindi pa kami nagkakatrabaho. Tapos si Joshua (Garcia). Gusto ko siyang ma-interview napakabait ng batang ‘yun.”

Kamakailan ay nainterview ni Maricel ang ex-husband niyang si Edu Manzano. Klinaro niya na noong nag-interbyuhan sila ay walang nanumbalik na anuman. Naalala lang niya ang kanilang mga nakaraan.

“Walang nanumbalik, kasi kami ni Edu bago naging kami, magkaibigan kami. Kaya may fallback ‘yung aming relationship as husband and wife, mayroon kaming tinatawag na friendship.

“Noong naghiwalay kami, okay kami. Hindi kami nag-away, magkaibigan kami,” tsika pa nito kay Ogie.

After makipaghiwalay kay Edu, hindi pa ulit pumapasok sa isang relasyon si Maricel. Pero bukas pa naman ang pintuan niya sa mga gustong magparamdam sa kanya.

“Open naman kung medyo nakasara ‘yung door, puwede mong i-push tapos sasabihin ko sa ‘yo, ‘hello.’ Kung mati-take nila (ugali ko), eh, ‘di winner ka. Pero ‘pag hindi, umuwi ka na!” diretsong pahayag ni Maricel