Rosmar kinilig nang makita ng harapan si Dingdong

MATABIL
ni John Fontanilla

HINDI maiwasang kiligin ang CEO & President ng Rosmar Skin Essentials na si Rosmar Tan-Pamulaklakin nang makaharap ang kanyang showbiz crush, si Kapuso Primetime actor, Dingdong Dantes.

Naganap ang pagkikita nina Rosmar at Dingdong nang maglaro ang una kasama ang kanyang team sa Family Feud sa GMA 7, na si Dingdong ang host.

Kuwento ni Rosmar, “Grabe sobrang na-starstruck talaga ako nang makita ko ng face to face si Dingdong, sobrang saya ko po at grabe ang kilig, napaka-gwapo niya sa personal at napakabait na tao.

“Tapos sinabi ko sa kanya na ultimate crush at nag-iisang crush ko siya at ikinuwento ko na binuhat niya ako noong bata pa ako at pinirmahan niya ‘yung panyo ko.

“Ikinuwento ko rin ‘yung nagti-taping siya sa SM Manila bababa sana ako kaya lang marami akong dala, tapos doon sa Philippine Youth papasok na sana ako para magpa-selfie kaso sinaraduhan lang ako ng mga tao, parang presscon ‘yun ng Philippine Youth, tapos napapangiti siya.

“Kaya noong game na habang nakatingin ako sa kanya sobrang naa-amazed talaga ako kasi ang guwapo at ang bait niya, ‘di ko tuloy alam ang isasagot ko sa tanong niya hahaha, parang naba-blanko ako.

“Kaya nga after ng araw na ‘yun mas naging doble ang paghanga ko sa kanya, kasi sobrang bait talaga,” mahabang kuwento ni Rosmar.

Napaka-unforgettable at magical daw ng araw na ‘yun para kay Rosmar dahil sa wakas nakita at nakausqp niya si Dingdong  

at nakapag-video pa siya.

Hopefully ay makasama niyang muli sa isang proyekto si Dingdong, tulad ng sa teleserye o pelikula.

Samantala, sobrang happy at blessed si Rosmar dahil sa tagumpay at pagllago ng kanyang mga negosyo lalo na ang Rosmar Skin Essentials sa tulong ng kanyang very hardworking husband na si Nathan Pamulaklakin.