Ellen ayaw na sa showbiz

SHOWBIZ KONEK
ni Maricris Valdez Nicasio

PAREHONG hindi na aktibo ang mag-asawang Ellen Adarna at Derek Ramsay at tiniyak ng aktres na hindi niya nami-miss ang showbiz o iyongpaggawa ng pelikula.

Sainauguration at ribbon-cutting ng Shinagawa Diagnostic and Preventive Care Center na ginanap kahapon, April 26 na endorser si Ellen kasama si Santa Lopez, pinagkaguluhan ito at nakamusta ukol sa buhay niya ngayong wala na sa showbiz.

Ani Ellen, aligned na aligned ang buhay niya ngayon at ang pag-e-endoso ng isang medical clinic kaya tinanggap niya bukod pa sa pitong taon na rin naman siyang kliyente ng klinika.

Sinabi pa ni Ellen na ang mga endorsement na lang ang tinatanggap niya at ayaw na muna niyang tumanggap ng acting projects.

“Ayokong mag-taping, ayokong mag-soap, alam naman nating it requires a lot of energy and time away from family. It is my choice to take a break,” paliwanag ni Ellen.

At dahil pareho sila ni Derek na ayaw na munang mag-artista natanong si Ellen kung pinag-usapan nila iyon?

Paliwanag ni Ellen, “I think, we just met at a perfect time. That when I met him, parang ayaw na din niya. I think, because of COVID, you know, parang he realized a lot of things.”

Isa pa sa dahilan ay ang anak niyang si Elias kaya ayaw na muna niyang tumanggap ng teleserye o gumawa ng pelikula.

“When I had Elias, parang it was really my priority that I want to be there on his formative years and so, there, he’s turning 5,” anito.

Nagpaplano rin sila ni Derek na magkaroon ng baby ngayong taon kaya imposible talagang makabalik siya sa showbiz.

Nasabi pa ni Ellen na isang baby lang ang plano nila ni Derek.

Samantala, ang Shinagawa Diagnostic and Preventive Care Center ay ang first one-stop medical that offers Japanese standard health services providing a full line-up of comprehensive diagnostic tests and customizable screenings. Matatagpuan ito sa 8th and 23rd floor of Ore Central Building sa Bonifacio Global City in Taguig.