Enrique may babalikan pa ba sa Kapamilya?

REALITY BITES
ni Dominic Rea

THE long wait is over. Finally ay matutuldukan na ang tanong kung totoong tuluyan ng maggu-goodbye showbiz si Enrique Gil. 

Kamakailan ay pumirma na yata ulit sa bakuran ng Kapamilya Network si Enrique bilang patunay na he’s finally back sa mundo ng showbusiness.

Pagkatapos tamaan ng pandemic at magsara ang ABS-CBN ay nawala na rin si Enrique sa eksena. Nanahimik ito hanggang sa mabanggit-banggit na lamang ang pangalan kapag ang pinag-uusapan ay ang jowang si Liza Soberano. 

Sa kanyang pagbabalik-showbiz at pananatiling Kapamilya, ang tanong ng marami, may career pa bang babalikan si Quen sa bakuran ng Kapamilya? 

Ano naman kaya ang gagawin niya? ‘Yan ang tanong na aabangan natin dahil in-all-fairness naman kay Quen ay napatunayan niya namang magaling na rin siyang artista noh!