Miss CosmoWorld 2022 mamimigay ng P1-M 

MATABIL
ni John Fontanilla

MAGKAKAMIT ng P1-M cash ang tatanghaling Miss CosmoWorld Philippines 2023. Ito ang iginiit ng reigning Miss CosmoWorld 2023 na si Meji Cruz na  chairperson ng pinakabagong beauty pageant sa bansa.

Ito ang kauna-unahang beauty pageant sa bansa na nagbigay ng pinakamalaking cash prize.

At paano nga ba sumali sa Miss CosmoWorld Philippines 2023? Ayon kay Meji lahat ay puwedeng sumali maging baguhan man o matagal nang sumasali sa mga beauty pageant, 17 to 27 years old, no height limit, maganda with meaningful visions and specific goals at naturally born women.

Dagdag pa ni Meji na susuyurin nila ang buong Pilipinas para mahanap ang karapat- dapat na maging representative ng Pilipinas sa darating na Miss CosmoWorld 2023.

Sinabi pa ni Meji na ang mission ng Miss CosmoWorld Philippines ay, “to provide life changing value, enhancing opportunities for deserving and world class Filipinas.”