Kiray Celis pinaiyak ang ina 

MATABIL
ni John Fontanilla

HINDI naiwasang maiyak ng ina ng Sparkle Artist na si Kiray Celis nang regaluhan nito ng tumataginting na P1-M para sana sa kaarawan nito sa darating na Hunyo na inipon ng komedyana.

Maging si Kiray ay hindi rin napigilang maging emosyonal at tuluyan na ring naluha kasama ang kanyang mahal na ina.

At dahil napaaga na nabuo ni Kiray ang pangako sa kanyany sarili na bibigyan ng P1-M ang ina, hindi na nito pinaabot pa ng June at ibinigay na niya ang regalo.

Post nga ni Kiray sa kanyang social media, “Isang milyong regalo sa birthday ng aking ina.. kulang pa yan sa pagmamahal, pagaalaga at pagaasikaso mo sakin.  

“Akala ko June ko pa mabibigay sayo. Pero nabuo ko na ng maaga. Worth it lahat ng pagod at paos ko sa lahat ng trabaho ko,” dagdag niya.

Isang payo naman ang iniwan niya sa netizens patungkol sa pagmamahal sa magulang.

“Sana maging inspirasyon ako sa mga kagaya kong anak na kapag napagod.. magpahinga lang tapos tuloy ulit! Para maibigay lahat at makatulong sa pamilya natin. Maliit man o malaki, basta galing sa puso ang tulong mo.. naappreciate yan ng mga magulang niyo. Mabuhay lahat ng bread winner na anak sa mundo!” pagtatapos ni Kiray.