JhasDrick sunod-sunod ang dating ng endorsement

MA at PA
ni Rommel Placente

BONGGA ang loveteam nina Jhassy Busran at John Heindrick na kilala sa tawag na JhasDrick. Sunod-sunod kasi ang dating ng endorsement sa kanila.

Unang endorsement ni Jhassy ay ‘yung Winkle Tea and Winkle Donut. Sumunod ay ‘yung Chic (Choose Health Initiate Change), na silang dalawa ni John ang endorsement. 

At kamakailan ay pumirma sila ni John ng contract sa U(niversity)Home bilang ambassadors nito, kasama si MJ Manuel.

“Masaya po ako actually, kasi kahit wala pa ‘yung movie namin, hindi pa naipalalabas ‘yung ‘Home I Found In You,’ marami nang nagtitiwala sa amin, at ngayon ay kasama pa namin si kuya  MJ. Thank you po kay Sir Jayson na pinagkatiwalaan nila kami. Sobrang saya po,” sabi ni Jhassy sa pagkakaroon nila ni John ng bagong endorsement.

Sabi naman ni John, “Ganoon din po, masaya ako na may bago kaming endorsement. Salamat din po sa pagtitiwala ng UHome sa amin.”

“Bale pangalawang endorsement ko na po ‘to. At nagpapasalamat din po ako sa UHome sa pagkuha nila sa amin bilang ambassadors,” sabi naman ni MJ.

Samantala, laging sinasabi ni Jhassy na magkaibigan lang sila ni John. Pero allowed na ba siyang ligawan?

“Hindi naman po nila (parents ni Jhassy) ako pinagbabawalan. As long as parang..hindi itatago or what.

“And gaya ng lagi kong sinasabi before, we’re both happy kung ano man mayroon kami ngayon. We’re both enjoying each other’s company. Masaya kami ‘pag magkasama kami. And we’re contented with that. 

“Hindi po namin masasabi kung anong mangyayari in the future. But right now, we’re focusing sa present, na masaya kaming parehas.”

Sinegundahan naman ni John ang sinabi ni Jhassy, “Totoo naman ‘yung sinabi niya eh, happy kami kung anong mayroon kami. Siguro kasi hindi namin masyadong iniisip ‘yan, pero kung tatamaan, tatamaan.”

Sa tanong kay John kung liligawan niya si Jhassy in the future, ang tanging sagot niya, “Malalaman natin ‘yan in the future.”

Ano ba ang nagustuhan ni John kay Jhassy?

“Pagiging maalaga ‘at saka mabait,” sagot ng binata.

“At lagi niya akong tinatanong kung kumain na ba ako,” natatawang sabi pa ni John.

So, thoughtful din pala si Jhassy kay 

John. Bongga!