Bella, Marco parehong mahusay sa Spellbound

MATABIL
ni John Fontanilla

BONGGA ang  Pinoy adaptation ng Korean blockbuster film na Spellbound na siyang magiging pre-Valentine movie ng Viva Entertainment at pinagbibidahan nina Bela Padilla at Marco Gumabao.

Tama ang description ng production sa movie, isang 3-in-one entertainment combo na siguradong hinding-hindi n’yo makalilimutan after mapanood. Ginagampanan ni Bela ang character ni Yuri na simula nang makaligtas sa aksidente noong high school ay nakakakita na ng mga multo. At kahit sa mga taong malalapit sa kanya ay nagpaparamdam ito, kaya naman nagdesisyon itong iwan ang kanyang pamilya.

At dito na nga ay isang magician ang dumating sa kanyang buhay na maaaring magpabago ng kanyang isip. At ang magician na ito ay si Victor na ginagampanan ni Marco na idinadaan lamang sa kanyang charm ang mga manonood, at hindi naman talaga magaling mag-magic.

At nang makilala nito si Yuri, naging inspirasyon nito para makabuo ng isang horror magic show na nag-click naman sa mga manonood. Nang maging stage magician si Victor, kinuha niya si Yuri para gumanap na multo sa kanyang palabas.

Dito ay ginagampanan naman ni  Rhen Escaño ang role bilang si  Krissy na bestfiend ni Yuri bago ito namatay sa aksidente. Si Krissy ang magiging saksi sa

nabubuong pagtitinginan nina Yuri at Victor na siya ring magiging hadlang sa dalawa.

Napakahusay nina Bella at Marco sa movie at napakaganda ng pelikula kaya hindi kayo magsisisi na panoorin ang movie na ito ng Viva Films na nag simulang mapanood February 1 sa mga sinehan nationwide.