Biyahe ng MRT-3 back-to-normal

INIHAYAG ng pamunuan ng Metro Rail Transit (MRT-3), balik-normal ang kanilang operasyon simula ngayong araw, 3 Enero 2023, na nagpatupad ng adjusted operating hours nitong naklaraang holidays.

Sa abiso ng linya, aalis ang unang biyahe ng tren, 4:36 am mula North Avenue station, at 5:18 am mula Taft Avenue station.

Samantala, ang huling biyahe ng tren ay 9:30 pm mula sa North Avenue station, at 10:11 pm mula sa Taft Avenue station.

Patuloy ang mahigpit na pagpapatupad ng health and safety protocols sa buong linya, na tinatawag na “7 Commandments” upang maging ligtas laban sa COVID-19.

Muling pinaalalahanan ang mga pasahero na laging magsuot ng face mask habang boluntaryo ang pagsusuot ng face shield. (GINA GARCIA)