HATAW! D'yaryo ng Bayan hatawtabloid.com
MA at PA
ni Rommel Placente
USAP-USAPAN ngayon kung hiwalay na ba si Sofia Andres sa kanyang partner na si Daniel Miranda?
Napansin kasi ng mga netizen na tila naka-unfollow na ang aktres sa ama ng kanyang anak na si Zoe.
Isa pa sa mga nagpalala ng curiosity ng m netizens ay ang pagpo-post ni Daniel ng larawan nila ni Zoe bilang Christmas greeting sa madlang pipol at kapansin-pansing wala ang aktres sa naturang litrato.
Sa IG account naman ng aktres ay tanging si Zoe lamang na nakaupo sa sahig na may malaking Christmas tree at mga regalo sa likuran ang ibinahagi niya at sa huling larawan ay magkasama na silang dalawa.
Sana naman ay hindi pa hiwalay sina Sofia at Daniel. Alam naman namin kung gaano kamahal ng una ang huli.
