Sa Sta. Rosa, Laguna
SUPERMARKET NILOOBAN, P.3-M NINAKAW SA ATM

NILOOBAN ng apat na lalaki ang isang commercial establishment sa lungsod ng Sta. Rosa, sa lalawigan ng Laguna, at ninakawan ng hindi pa matukoy na halaga ang isang automated teller machine (ATM) nitong Linggo ng madaling araw, 25 Disyembre.

Ayon kay Laguna PPO Provincial Director P/Col. Randy Glenn Silvio, nadiskubre ni Glenje Opeña, 51 anyos, store manager ng Puregold Commercial Complex, sa Brgy. Balibago, sa nabanggit na lungsod dakong 7:30 am kahapon.

Ani Opeña, napansin niyang wala sa orihinal na puwesto ang Metrobank ATM.

Ayon sa mga imbestigador, winasak ng mga kawatan ang ATM gamit ang isang matigas na bagay saka tinangay ang cash na nasa loob nito saka dumaan sa butas na kanilang ginawa sa pader ng establisimiyento.

Nagbigay na ang lahat ng security guard na naka-duty ng kanilang mga statement sa pulisya.

Ani Silvio, sinabi ng isang guwardiya na sira ang alarm system ng establisimiyento.

Tinatayang aabot sa P300,000 ang natangay ng mga magnanakaw mula sa ATM.

Patuloy ang isinasagawang imbestigasyon upang matukoy ang pagkakakilanlan ng mga tumakas na suspek.