HATAW! D'yaryo ng Bayan hatawtabloid.com
HINDI kataka-taka kung hindi napigil ni Heaven Peralejo na sabihing hindi imposibleng ma-fall siya kay Ian Veneracion. Magkasama ang dalawa sa Nanahimik Ang Gabi, entry ng Rein Entertainment sa Metro Manila Film Festival 2022 at idinirehe ni Shugo Praico.
Ani Heaven, nakikita niya sa aktor ang mga katangiang hinahanap niya sa isang lalaki na boyfriend at husband material.
“With all the qualities that he have, I think kung binata siya, yes. Let’s see,” nangingiting sabi ni Heaven.
Gumaganap na sugar daddy ni Heaven si Ian kaya naman may mga maseselang eksena ang dalawa. At bago tinanggap ni Heaven ang pelikula ay matimtimang paliwanagan muna ang nangyari.
At nang matanong si Ian kung in real life ay posibleng maging sugar baby si Heaven sinabi nitong, “Naisip ko kung binata ako, maging sugar baby kita, hindi. Hindi kailangan. Hindi ka naman pang-sugar baby eh,” anang seasoned actor.
Hirit naman ni Heaven, “Hindi talaga ko papayag maging sugar baby.”
Na sinang-ayunan ni Ian aniya, “In real life kasi, she’s financially independent, she has a career, ang layo sa character niya, eh.”
Ang Nanahimik Ang Gabi ay mula sa Rein Entertainment at mula sa panulat at direksiyon ni Shugo Praico. Makakasama rin dito si Mon Confiado at mapapanood na simula December 25.
