HATAW! D'yaryo ng Bayan hatawtabloid.com
KASALUKUYANG gamit ng lokal na pamahalaan ng Angono, sa lalawigan ng Rizal, ang modernong teknolohiya na refused derived fuel (RDF) geocycle/Holcim na binabago ang natitirang basura na ginagamit nila sa paggawa ng semento.
Samantala, ang ibang uri ng basura ay muling nagagamit o inire-recycle at nagagamit sa ibang proyekto at programa ng lokal na pamahalaan na pinagkakakitaan ng mga taga-Angono.
Ayon kay Mayor Jeri Mae Calderon, alkalde ng Kapitolyo ng Sining sa Filipinas, ang baybayin ng lawa sa naturang bayan ay lumilikha ng 1,380 tonelada ng basura kada buwan o katumbas na P3.84 milyon kapag nai-recyle na.
Aniya, mula nang simulan ng lokal na pamahalaan ang pagpapatakbo ng Residual Containment Facility (RCF), nakatipid ang munisipyo sa gastos ng paghakot ng basura ng 34.160 tonelada patungo sa Engineered Landfill sa Morong, Rizal.
Nabatid na walong truck ng basura kada araw ang nahahakot at bawat truck ng basura ay binabayaran ng P16,000 ayon kay Alan Bitong Maniaol, acting chief ng Municipal Environment and Natural Resources Office (MENRO).
Dagdag ni Maniaol, hindi limitado ang solid waste management sa pagkolekta kahit umano umabot sa 34.160 tonelada ng basura kada buwan.
Aniya, karamihan sa residual waste ay kinukuha ng Geocycle ng Holcim o refused derived fuel. (EDWIN MORENO)
