Sanya pinag-aralang mabuti si Maegan

RATED R
ni Rommel Gonzales

MABIGAT ang papel ni Sanya Lopez sa Magpakailanman sa Sabado dahil matindi ang kuwento ni Maegan Aguilar, paano ba niya ito pinaghandaan?

“Every role na ibinibigay sa akin ay pinaghahandaan ko po. Hindi po enough ‘yung basta makabisa ko lang po ang script. I always ask kung ano ang nafi-feel ng character ko towards the scene.

“Kailangan matumbok ko ‘yun bago ko i-deliver ang lines ko. Same thing din ang ginawa ko rito sa story ni Ms Maegan Aguilar, pinanood ko po halos lahat ng videos and interviews niya.

“Kaya po iba ang pakiramdam na gampanan ang istorya po ng buhay niya,” ang sagot sa amin ni Sanya via- email.

Mapapanood sa GMA sa Sabado, December 3, ang 2nd part ng Listen To My Heart: The Maegan Aguilar Story.

Paano ang atake niya sa role na ito, knowing na maraming nakakakilala kay Maegan dahil isa siyang celebrity?

“Inalam ko po muna ang characteristics ni Ms Maegan. Ginaya ko ang mga ‘yun. Pero when it comes sa pag-atake sa mga scene, sinunod ko na ‘yung nararamdaman ko sa eksena. Kasi napaka-importante niyon para mai-deliver mo ito ng maayos.”

Tampok din sa brand new episode ng #MPK bukod kay Sanya sina Neil Ryan Sese bilang Freddie Aguilar, Dion Ignacio as Oliver, Jason Abalos as Xander, Jon Lucas as Lyndon, JM San Jose as Zion, Noreah Casaljay as Alyssa, Choline Bautista as Mafi, at Shyr Valdez bilang ina ni Maegan.

Sa direksiyon ni Neal del Rosario, bahagi ito ng month-long 20th anniversary ng #MPK.