HATAW! D'yaryo ng Bayan hatawtabloid.com
HUMANTONG sa trahedya ang selebrasyon ng unang kaarawan at binyag ng isang bata nang mapatay ng ama ang ina ng kanyang anak sa bayan ng Allacapan, lalawigan ng Cagayan, nitong Lunes, 14 Nobyembre.
Ayon sa ulat ng Allacapan MPS, nagkaroon ng mainitang pagtatalo ang mga magulang ng bata na kinilalang sina Carissa, 25 anyos, at Nelson, 31 anyos, sa loob ng kanilang bahay sa Brgy. Binubongan, sa nabanggit na bayan.
Nauwi sa karahasan ang kanilang pagtatalo nang saksakin ni Nelson si Carissa na nagawa pang makalabas ng kanilang bahay upang humingi ng tulong.
Agad siyang dinala sa Municipal Health Center ng Allacapan ngunit idineklarang dead on arrival ni Dr. Lea Morena Viloria-Donton.
Samantala, agad tumakbo at tumakas ang suspek patungo sa hindi natukoy na direksiyon.
