‘Higupan’ nina Joshua at Jane ‘di klik sa netizens

HATAWAN
ni Ed de Leon

NAKATATAWA, “higop king” na ang tawag nila ngayon kay Joshua Garcia matapos na mag-trending at naging talk of the town ang halikan nilang dalawa sa kanilang tv series. Aba siyempre umangal din ang fans ni Jane de Leon. Dahil daw sa halikan kaya hindi napansin si Jane.

Para naman parehas, nagkaroon din sila ng lips to lips kissing scene ni Joshua. Pero ewan, mas pinag-usapan pa rin ang halikan nina Joshua at Janella Salvador. Iyang si Jane, mukhang hindi lang Darna na hindi makalipad, hindi rin siya makahigop.

Hindi kasi napipilit iyan talaga eh. Sabihin nating parang nabantilawan iyang si Jane dahil isinabak nila sa isang project na hindi siya handa. Tapos naikukompara pa siya sa mga naunang choices na sina Angel Locsin at Liza Soberano na parehong malakas at unang nabalitang gagawa ng Darna bago siya.

Kung iyan sana ay kasing lakas man lang ni Sanya Lopez, kakagatin iyan. Kaso hindi eh, at hindi siya naihanda nang husto. Maliban sa kanilang mga sariling pralala, sino ba ang nakakakilala riyan kay Jane?