Pampanga PPO OIC itinalaga

PINAMUNUAN ni PRO3 Regional Director P/BGen. Cesar Pasiwen ang paglilipat ng tungkulin sa Pampanga PPO na ginanap sa lungsod ng San Fernando, lalawigan ng Pampanga, noong Sabado, 22 Oktubre.

Itinalaga si P/Col. Levy Hope Basilio bilang bagong Officer-In-Charge ng Pampanga PPO kapalit ni P/Col. Alvin Ruby Consolacion na nagsilbi bilang acting provincial director sa loob ng pitong buwan.

Si P/Col. Basilio ay miyembro ng PNPA Magilas Class of 2000 at dating naitalaga sa National Capital Region.

Tila homecoming ang kanyang pagkakaupo bilang OIC dahil nagsilbi na rin siya bilang Chief of Police ng mga himpilan ng Guagua, Porac, at San Fernando.

Binigyang diin ni P/Col. Basilio ang kapayapaan at pagbalangkas ng seguridad ni PNP Chief P/Gen. Rodolfo Azurin, Jr., na “MKK=K” o “Malasakit, Kaayusan Kapayapaan tungo sa Kaunlaran.”

“Again, I’m soliciting your support and commitment as I lead PRO3 to make our region, a safer place to live, work, for tourist to visit and do business. Patuloy tayong maglingkod nang buong katapatan para sa patuloy na ikatatahimik at ikauunlad hindi lamang ng Pampanga kundi maging ng Gitnang Luzon,” pahayag ni P/BGen. Pasiwen sa palatuntunan. (MICKA BAUTISTA)