HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
HINDI mahulugang karayon sa dami ng tao ang grand opening ng The Beer Factory sa Eton Centris, Quezon Ave kamakailan dahil sa rami ng nagpunta roon para tunghayan ang bagong gimikan.
Puno ng mga kaibigan at kamag-anak ni CJ Quinzon, ang batam-batang milyonaryo at may-ari, ang loob at labas ng The Beer Factory gayundin ang venue sa labas nito na nilagyan ng stage para roon magtanghal ang mga inimbitahang peformers.
Alas-sais pa lang ng gabi ay unti-unti nang nagdaratingan ang tao sa open venue para namnamin ang mga musikang handog nina Kean Cipriano, Mayonnaise, Flow G, Loki, Nobita, JRoa, DJ Alondra Cleofa at iba pa. At pagdating ng 8:00 p.m. wala nang mapuwestuhan ang mga late na nagpunta.
Lalo pang naging buhay na buhay ang gabing iyon sa nakatutuwa at magandang pagho-host nina Valeen Montenegro at Diane Medina.
Humanga naman kami sa magandang pagka-stage ni Direk Rod Ducusin ng event. Iba ang dating. Mahusay talaga si direk Rod.
Nakatutuwang ang tulad ni CJ na nasa late 20s pa lang ay super-successful na sa kanyang trading business. Napag-alaman naming galing sa hirap ang batang ito pero nagpursigeng maabot ang mga pangarap. At ngayon, nasa maganda na siyang estado ng kanyang buhay. Isang very inspiring life story.
Pero ‘wag malungkot ang mga malalayo sa Quezon City dahil dinig namin, una pa lang itong The Beer Factory sa Eton Centris dahil magbubukas din sila ng second branch nito sa Makati sa December this year.
Bukod sa iba’t ibang klase ng inumin ang ino-offer nila, Malaysian cuisine naman ang kanilang food.
Hindi na kami magtataka na darating ang araw na magiging Pambansang Gimikan na ang The Beer Factory.
