HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
SOSYAL NA SOSYAL ang katatapos na birthday celebration ng entertainment guru at tinaguriang Queen of Entertainment Bar na si Genesis Gallios noong Sabado ng gabi sa Manila Hotel. Mula sa venue, pagkain, invitation, at production numbers, talaga namang bonggang-bongga.
Ang Reign birthday na ginanap sa Centennial Hall ng Manila Hotel ay tumagal nang halos tatlong oras na naghandog ng programa mula sa Gergall Events and Talent Management na idinirehe ni Mak de Leon.
Special guests sa birthday celebration sina Xian Lim, Vin Abrenica, Madam Inutz, at Ima Castro na nagbigay ng kani-kanilang song numbers. Maging ang birthday celebrator ay hindi nagpakabog sa mga special guest dahil sa kanyang pasabog na production number na in full drag costume.
Humataw din ang Junior New System, Pink Mannequins, Gents Squad, at Breezy Boys sa underwear fashion show na tampok ang mga kaibigang male models ni Mama Gen.
Maganda ang production numbers kaya naman hindi namin namalayan na maghahatinggabi na pala natapos iyon.
Bagamat matagal nawala si Vin dahil sa pamamahinga nito simula nang magpakasal at magkaanak, tinilian pa rin ito na pagkatapos iparinig ang ilang kanta ay nagpa-bonus topless kaya lalo siyang tinilian.
Bongga rin ang song numbers ni Xian na mukhang nag-enjoy dahil marami itong kinanta. Halos nag table to table rin ito para makipag-selfie sa lahat ng mga naroroon.
Riot naman as usual ang number ni Madam Inutz na kinanta niya ang hit song na Inutil.
Hindi pa rin matatawaran ang galing ni Ima sa mga awiting ibinahagi noong gabing iyon.
Ipinasilip naman sa isang video presentation ang mga naka-line up na projects at ang ilang mga bagong talents ng Gergall Talent Management.
Sa tagumpay ng birthday celebration ni Mama Gen itinuturing niya itong dream come true at halos hindi siya matapos sa sobrang papasalamat sa mga kaibigan na nakibahagi at nakiisa sa kanyang selebrasyon.
