HATAW! D'yaryo ng Bayan hatawtabloid.com
ISANG lolo ang binawian ng buhay, habang sugatan ang kanyang apong lalaki matapos mabangga ng ambulansiya ang sinasakyan nilang e-trike sa Hacienda Layagon Rd., Brgy. Lalagsan, sa bayan ng La Castellana, lalawigan ng Negros Occidental, nitong Lunes, 5 Setyembre.
Kinilala ang biktimang si Emeterio Ordas, 72 anyos, residente sa naturang barangay.
Ayon kay P/MSgt. Polen Jabagat, traffic investigator ng La Castellana MPS, pauwi ang mga biktima sa kanilang bahay nang mabangga ng nasa likurang ambulansiyang minamaneho ni Jether Yutob, 44 anyos.
Dagdag ni Jabagat, maaring hindi napansin ni Yutob ang e-trike dahil madilim ang bahagi ng kalsada na kinukumpuni.
Dinala sa pagamutan si Ordas ngunit idineklarang dead on arrival.
Samantala, ayon kay Jabagat, pabalik na ang ambulansiya sa Isabela.
Nasa kustodiya ng pulisya ang driver ng ambulansiya habang inihahanda ang karampatang kasong isasampa laban sa kanya.
