Janah Zaplan, thankful sa suporta ng fans ni Seth Fedelin

ALAM MO NA!
ni Nonie Nicasio

ANG talented na recording artist na si Janah Zaplan ang bagong leading lady ni Seth Fedelin. Ito’y para sa music video ng single ng guwapitong aktor na pinamagatang Kundi Ikaw.

Paano niya ide-describe ang song?

Tugon ni Janah, “Ang kantang Kundi Ikaw ay magbibigay ng saya at ngiti sa inyong mga labi kapag narinig ninyo ito, dahil dito ipinapaalala kung bakit ikaw lang, bakit ikaw ‘yung natatanging taong gusto niyang makasama sa araw-araw.”

Nabanggit niya kung ano’ng klaseng ka-work si Seth.

Pahayag ni Janah, “Seth is actually a great person to work with, mabait at gentleman. In fact, kapag may scenes na for kilig purposes, he asks kung okay lang, for my consent.

“The most memorable one was when kailangan medyo maglapit ‘yung mukha namin, and after shooting that, he immediately said sorry to my dad saying ‘Pasensya na po daddy’ may kasama pang pag-bow.”

Ayon kay Janah, hindi siya nag-alala na i-bash ng fans nina Seth at Francine Diaz and Andrea Brillantes. In fact, nabanggit ng dalaga nina Daddy Boyet at Ms. Dencie Zaplan na may fans sina Seth na tanggap siya bilang partner ng kanilang idolo sa music video nito.

Aniya, “Well, may nakikita nga po akong comments na sana sila na lang po, pero it’s okay lang sa akin. Kasi I do understand where they are coming from, as fans na sumusuporta talaga sa kanila ever since. Because even I, love their chemistry.

“Pero mayroon din pong mga tumanggap sa akin na mga fans nila and for that I’m just so grateful. Kinikilig pa nga po ako sa mga comments nila na, ‘Ang ganda mo ate’, ‘Congratulations’, ‘Thank you for being there kay Seth,’ etcetera… lalo na sa Twitter po,” nakangiting sambit ni Janah.

Si Janah ay under ng Star Music and Star Pop at ang newest single niya is Maiba Naman by Trisha Denise. Ang magandang singer ay isang 3rd year student ng kursong BS in Aviation Major in Flying, at dream maging piloto someday.