6 binitbit sa drug ops sa Malabon, Navotas

ANIM na hinihinalang drug personalities, kabilang ang dalawang babae ang natiklo sa magkahiwalay na buy bust operation sa Malabon at Navotas Cities.

Ayon kay Malabon City police chief, Col. Albert Barot, dakong 2:00 am nang magsagawa ang mga operatiba ng Station Drug Enforcement Unit (SDEU) sa ilalim ng pangangasiwa ni P/Lt. Alexander Dela Cruz ng buy bust operation sa Halaan St. cor Hito St., Brgy. Longos na nagresulta sa pagkakaaresto kay Maribel Villa, 46 anyos, at Garry Camposani, 29 anyos, pintor, kapwa ng Caloocan City.

Ani P/MSgt. Randy Billedo, nakompiska sa mga suspek ang 1.5 gramo ng hinihinalang shabu, nasa P10,200 ang halaga at P500 buy bust money.

Sa Navotas City, dakong 10:00 pm nang matimbog ng mga operatiba ng SDEU ng Navotas police sa buy bust operation sa Bagong Silang St., Brgy., San Jose sina Lea Rodriguez, 45 anyos, fish vendor at Roniel Olivar, 22 anyos, parehong pusher/listed, mangingisda.

Nakuha sa mga suspek ang nasa 10 grams ng hinihinalang shabu na may standard drug price P68,000, P500 marked money, at P300 recovered money.

Nalambat din ng kabilang team ng SDEU ng Navotas police sa buy bust operation sa M. Jose St., Brgy., Tangos North si Efipanio Adriano, 53 anyos, (pusher/listed), at Edralin Refuerzo, 40 anyos, fisherman.

Nakuha sa kanila ang nasa 5.5 gramo ng hinihinalang shabu, may standard drug price P37,400, P300 buy bust money at P300 recovered money.

Nahaharap ang mga suspek sa kasong paglabag sa Comprehensive Dangerous Drug Act of 2002. (ROMMEL SALES)