2 senior citizen natagpuang patay sa Malabon, Navotas

KAPWA walang buhay nang matagpuan ang dalawang senior citizens sa magkahiwalay na lugar sa mga lungsod ng Malabon at Navotas.

Lumabas sa imbestigasyon ng pulisya, habang nagpapakain ng kanilang panabong na manok ang saksing si Roland Padarunon, 53 anyos, sa C4 Road, Brgy., Tañong, Malabon City dakong 2:30 pm nang mapansin niya ang walang buhay na katawan ng biktimang si alyas ohnny nasa 60-65 anyos ang edad na nakahiga sa kanyang higaan.

Ipinaalam ng saksi sa opisyal ng barangay at sa Sub-Station 6 ang natuklasan at lumabas sa isinagawang ocular investigation ng pulisya walang nakitang sugat sa katawan ang biktima.

Dinala ang bangkay sa PNP Crime Laboratory para sa autopsy examination.

Sa Navotas, natagpuan dakong 7:24 am ang walang buhay na katawan ng isang senior citizen na si alyas Dodong sa Gov. A. Pascual, Brgy. San Jose.

Walang nakitang sugat sa katawan ng biktima na palatandadang namatay sa karahasan. (ROMMEL SALES)