HATAW! D'yaryo ng Bayan hatawtabloid.com
BINITBIT sa selda ang isang most wanted person (MWP) sa kasong carnapping nang maaresto ng pulisya sa isinagawang manhunt operation sa Caloocan City, kamakalawa ng gabi
Kinilala ang wanted person na nagresulta sa pagkakaaresto kay Adrian Pangilinan, 33 anyos, residente sa Bagong Barrio, Caloocan City.
Ayon kay P/Lt. Col. Rommel Labalan, nakatanggap sila ng impormasyon na naispatan ang akusado sa Reparo Extension, Baesa, Caloocan City kaya nagpadala ng mga operatiba sa naturang lugar upang alamin ang nasabing report.
Nang magpositibo ang ulat, dakong 10:30 pm, kaagad nagsagawa ng joint intelligence driven operation ang mga operatiba ng DSOU, kasama ang HPG-SOD LIMBAS, Intel Section, RIU NCR- SDIT at 9th MFC RMFB na nagresulta sa pagkakaaresto sa akusado.
Si Pangilinan ay inaresto sa bisa ng warrant of arrest na inisyu ni Presiding Judge Ma. Rowena Violago Alejandria, Presiding Judge ng Regional Trial Court (RTC) Branch 121 ng Lungsod ng Caloocan, sa kasong paglabag sa New Anti-Carnapping Act of 2016 (RA 10883).
Kaugnay nito ay pinuri ni Northern Police District (NPD) acting Director P/Col. Ponce Rogelio Peñones, Jr., ang District Special Operation Unit (DSOU) sa ilalim ng pamumuno ni P/Lt. Col. Rommel Labalan sa kanilang matagumpay na operation. (ROMMEL SALES)
