HATAW! D'yaryo ng Bayan hatawtabloid.com
HALOS magkalasog-lasog ang katawan ng isang Japanese national na hinihinalang tumalon mula sa rooftop ng isang condominium na kanyang tinutuluyan sa Makati City kahapon ng madaling araw.
Kinilala ang nasawing biktima na si Takaoka Shigeo, nasa hustong gulang.
Sa imbestigasyon ni P/EMSgt. Rico P. Caramat, ng Makati City Police Investigation Division, naganap ang insidente dakong 1:20 am sa swimming pool area ng ikaanim na palapag ng Beacon Tower sa panulukan ng Arnaiz at Chino Roces Avenue, Barangay Pio Del Pilar ng nasabing lungsod.
Ayon sa mga maintenance na sina Jover Ramos at John Gabriel, habang nagpapalit sila ng lock ng firehose cabinet sa ikaanim na palapag, nakita nila ang basa-basag na mga salamin.
Dito nila nakita ang lasog-lasog at duguang katawan ng biktima. kaya agad ipinagbigay alam nila sa mga awtoridad ang insidente.
Lumitaw sa imbestigasyon at base na rin sa CCTV footage, ang biktima ay nagmula sa rooftop ng naturang gusali na may 48 palapag.
Hinihinalang ang biktima y tumalon pabagsak sa swimming pool area.
Sa kaslaukuyan, patuloy na iniimbestigahan ng mga awtoridad ang insidente at ang motibo nito. (GINA GARCIA)
