HATAW! D'yaryo ng Bayan hatawtabloid.com
NAGLIYAB hanggang tuluyang maabomula sa sumiklab na sunog nitong Miyerkoles ng madaling araw ang isang centennial school building sa bayan ng Lala, lalawigan ng Lanao del Norte, na tinatayang P19.7-milyong halaga ng ari-arian ang kasamang natupok.
Ayon kay SFO2 Jessie Cabigon, pangunahing imbestigador ng Bureau of Fire Protection – Lala Fire Station, nagsimula ang sunog sa Lala Proper Integrated School (LPIS) lagpas ng hatinggabi at naapula dakong 4:51 am kahapon.
Ani Cabigon, naabo ang 101-anyos Gusaling Gabaldon ng LPIS dahil sa lumang materyales na kahoy nito.
Ayon sa punong guro ng paaralan, pinipinturahan at ipinaaayos ang mga bubong ng gusaling may 10-silid aralan ngunit nananatili pa rin ang mga lumang suhay nito na gawa sa kahoy.
Nakatakdang kapanayamin nina Cabigon ang punong guro at iba pang mga saksi upang matukoy ang eksaktong halaga ng pinsala at kung ano ang posibleng pinagmulan ng sunog.
Samantala, nananawagan ang mga guro at tauhan ng paaralan sa mga sector na maaaring tumulong sa kanila upang mapunan ang mga nawala sa LPIS.
