HATAW! D'yaryo ng Bayan hatawtabloid.com
MA at PA
ni Rommel Placente
MAY bagong pelikulang gagawin ang 3:16 Media Network na Showroom. Bida rito sina Quinn Carrillo at Rob Guinto. Ang hahawak ng pelikula ay si Carlo Obispo.
Sa story conference ng nasabing pelikula, tinanong si Direk Carlo kung anong masasabi niya sa script na ginawa ni Quinn, ang sagot niya, “Since scriptwriter din ako ‘di ba? Bilib na bilib ako, kasi first time kong nabasa ‘yung script ni Quinn.
“She’s a brilliant writer. She has so much potential.
“Even ‘pag nag-uusap kami, ‘pag nagbi-brain storming kami, medyo malayo-layo ang nararating namin. So I think, malayo ang mararating niya bilang isang scriptwriter,” papuri pa ni Direk Carlo kay Quinn.
In fairness, mahusay naman talagang scritpwiter si Quinn. Napanood namin ang dalawa sa isinulat niyang pelikula na Tahan, na bida si Cloe Barreto at The Influencer na bida naman si Sean de Guzman. And in fairness, ang ganda ng script niya, huh!
Talagang nagustuhan namin ang istorya ng dalawang pelikula na isinulat niya. Upon watching Tahan at The Influencer, nasabi rin namin sa aming sarili na malayo ang mararating ni Quinn bilang isang scriptwriter. Pwede talaga siyang makilala bilang isang mahusay na scriptwriter balang araw, gaya ni Ricky Lee.
Pero sa kabila ng pagiging mahusay na scriptwriter ni Quinn, gusto pa rin niyang dumalo sa scriptwriting workshop para lalo pang mahasa ang nalalaman niya sa pagsulat ng isang pelikula.
Samantala, masaya naman si Quinn na si Direk Carlo ang kinuhang direktor ng Showroom. Matagal na kasi niya itonig kilala, at hanga rin siya rito bilang isang direktor.
“Malaki po ang tiwala ko kay Direk Carlo. Nakakatawa po kasi ‘pag nag-uusap kami siya po ang hindi ready na magsi-sexy ako. Kasi naaalala niya niyong Belladonas (girl group na isa si Quinn sa member) pa kami. It’s all about naman the trust of your co-actors, and the director,” sabi ni Quinn.
Sunod-sunod ang paggawa ng script ni Quinn. Hindi ba siya nauubusan ng idea, o iniisip sa pagsulat ng pelikula?
“Ubos na. Tumatanggi na ako ngayon,” birong sagot ni Quinn na natatawa.
“Sana magtuloy-tuloy (ang paggawa niya ng script).Pero baka next year na.”
May tatlong script pa kasing gagawin si Quinn this year. Kaya nasabi niya na baka next year na ulit siya gumawa after ng tatlo pang gagawin niya mula sa 3:16 Media Network.
