Wednesday , May 14 2025
PAGCOR online sabong

Pananim mabubulok na
E-SABONG BAN INIINDA NG ISABELA FARMERS

INIINDA ng mga magsasaka sa Echague, Isabela ang patuloy na iniinda ang matinding krisis dulot ng suspensiyon sa online cockfighting o e-sabong.

Isa sa mga magsasaka si Jay-ar Dagman, dating nakikinabang sa operasyon ng e-sabong, ang nagsabing malubha ang naging epekto ng pagpapatigil ng online sabong sa kanyang monthly income.

“Bumaba po at mahina po ‘yung demand ng mais [dahil sa suspensiyon ng e-sabong]. Walang kumukuha sa amin,” sabi ni Dagman sa isang panayam.

“Mahirap kasi mahal ‘yung mga bilihin tulad ng mga abono na ginagamit namin para lumaki ‘yung mga mais namin. Bumababa ‘yung demand nila,”  dagdag niya.

Nababahala rin ang magsasaka sapagkat inaasahang bababa ang presyo ng animal feeds sa merkado dahil sa pagbaba ng demand.

“Pababa ‘yung presyo ng mais gawa ng kakaunti ‘yung demand ng mais. ‘Yung mga kakain sana e, nakukulangan,” aniya. “Para maibenta na agad at mahabol namin ‘yung presyo kasi bababa pa ‘yan.”

Samantala, problema rin ang posibilidad na mabulok ang mga ani kung hindi ito ipagbibili sa kahit murang halaga.

Mayo nitong taon nang ipag-utos ng dating Pangulong Rodrigo Duterte ang pagpapahinto sa mga operasyon ng e-sabong sa buong bansa.

Sa kasagsagan ng e-sabong, una nang naiulat na mayroong P650 milyong revenue loss kada buwan ang PAGCOR mula sa gamefowl industry.

Hindi bababa sa P1.37 bilyon ang nakolekta mula sa pitong lisensiyadong e-sabong operators mula Enero hanggang Marso 2022. Sa pagbabawal sa e-sabong, inaasahan ng PAGCOR ang P5 bilyong revenue loss ngayong taon.

Nangangamba si Dagman sa posibilidad ng unti-unting pagbagsak ng kanyang kabuhayan.

“Kung magpapatuloy ito kawawa kami, dapat sana mas marami ‘yung katulad ng baboy para tumaas naman presyo ng mais namin,” diin ng magsasaka.

“Last year po kasi marami ‘yung mga kumakain na baboy at manok, e ngayon kaunti na lang ang pinapakain, mga baboy na lang,” aniya.

Ang pagbabawal sa operasyon ng e-sabong ay patuloy na iniinda ng iba’t ibang negosyong konektado sa gamefowl industry. Tinatayang nasa 3.2 milyong Filipino ang nawalan ng kabuhayan dulot nito.

About hataw tabloid

Check Also

P7.5-M imported shabu nasabat sa Port of Clark

P7.5-M imported shabu nasabat sa Port of Clark

TINATAYANG 1.112 kilo ng imported na methamphetamine hydrochloride (shabu) na nagkakahalaga ng P7,561,000 ang nasabat …

liquor ban

33 katao sa central luzon dinakma sa liquor ban

HALOS 33 katao ang naaresto sa magkakahiwalay na insidente sa mga lalawigan ng Nueva Ecija, …

Bustos Bulacan

Nagpakilalang taga-media at Comelec
Headquarters ng kandidatong VM pinasok ng armadong kalalakihan 

NAHINTAKUTAN ang ilang residente na nasasakupan ng isang barangay matapos pasukin ng mga armadong kalalakihan …

Gerville Jinky Bitrics Luistro Noel Bitrics Luistro

Congresswoman Atty. Gerville “Jinky Bitrics” Luistro, former mayor Noel “Bitrics” Luistro magkasabay na bumoto

MAGKASABAY na nagtungo sina Batangas District 2 congresswoman Atty. Gerville “Jinky Bitrics” Luistro at si …

GMA Election 2025

Pinakamalaki, komprehensibo, pinagkakatiwalaan hatid ng Eleksiyon 2025: 

PUSH NA’YANni Ambet Nabus SA pamamagitan ng Eleksyon 2025: The GMA Integrated News Coverage, asahan na …