HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
BUONG akala ko’y foreign actress ang kasama ni George Clooney sa isang picture na nakita ko sa Facebook kahapon. Hindi ko kasi agad nabasa ang caption. Hindi pala kundi si Sofia Andres. Hindi ko agad nakilala ang aktres dahil foreign na foreign ang dating niya. Ang ganda-ganda.
Ayon sa caption ng isang pahayagan, nakipag-selfie si Sofia sa Hollywood ator nang makasama ito sa isang golf event sa Switzerland.
At hindi lang pala si Sofia ang naka-bonding at nakapagpakuha ng picture kay George, maging sina Joshua Garcia at Maja Salvador ay nakasama ang naturang Hollywood star.
Sina Joshua, Sofia, at Maja ay kabilang sa mga Filipino celebrity na dumalo sa isang luxury watch brand. Kasama ni Maja ang kanyang fiancé na si Rambo Nunez habang si Sofia naman ay ang boyfriend na si Daniel Miranda.
Bukod kay George na-meet din nina Joshua, Sofia, at Maja sina Anthony Anderson, Glen Powell, at Paul Wesley. Ito’y ayon na rin sa mga socmed post nila.
May mga picture rin sila na kuha sa isang golf event na in-organize ng nasabing luxury watch brand.
Umani ng napakaraming likes and comments at napa-sana all ang mga netizen sa pa-selfie ng mga artista sa mga Hollywood star.
