HATAW! D'yaryo ng Bayan hatawtabloid.com
BINAWIAN ng buhay ang isang rider at ang kanyang angkas makaraang sumalpok ang minamanehong motorsiklo sa isang kotse sa bayan ng Tanay, lalawigan ng Rizal, nitong Linggo ng madaling araw, 28 Agosto.
Sa ulat ni P/Lt. Col. Rodolfo Santiago ll, hepe ng Tanay MPS, kinilala ang mga biktima na sina Jonvy Balato, driver, at angkas niyang si Angeline Evangelista, kapwa idineklarang dead on arrival sa Tanay General Hospital.
Nabatid na magkaangkas sa MC Euro 150 ang mga biktima nang sumalpok sa isang kotseng minamaneho ni Genesis Domasig dakong 3:10 am, kahapon, sa Brgy. Tandang Kutyo, sa nabanggit na bayan.
Sa lakas ng pagsalpok, tumilapon ang mga biktima mula sa motorsiklo na naging sanhi ng kanilang kamatayan.
Kasalukuyang nasa kustodiya ng lokal na pulisya si Domasig para sa naangkop na disposisyon. (EDWIN MORENO)
