HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ANIMO nagpakitang gilas si Benz Sangalang sa pelikulang Sitio Diablo ni Direk Roman Perez, Jr., na mapapanood sa Vivamax simula ngayong August 26.
Ang pelikula ay tungkol sa drug trafficking at gang war. Gumaganap dito si Benz as Tonix, dito’y kinalbo ang aktor para magmukha talagang maangas at astig.
Wika ni Benz, “Parang feeling ko ay mas nahasa po ako rito sa Sitio Diablo kompara sa Secrets. Mas na-challenge ako sa acting, kasi siyempre pangalawang movie ko na sa Vivamax. Marami na akong natutuhan sa una kong movie, tapos ay in-improve ko pa lalo.
Marami ang pumuri sa husay dito ni Benz. Kaabang-abang ang malupit na lampungan at astig and madugong aksiyon na mapapanood kay Benz dito.
Saad ng hunk actor, “Madugo at maaksiyon ang pelikula. And mas na-challenge po ako rito dahil sa mga action scenes na ginawa namin. Plus, dapat maangas talaga ang maging dating ko rito, ganoon po ‘yung inire-require ng character ko.”
Nabanggit din ni Benz ang kaabang-abang na love scene nila rito ni Azi Acosta sa bubungan. “Feeling namin ay parang pusa kaming naglalampungan, kasi iyon po ang peg talaga, e. Mga pusa na naglalampungan sa bubong. Okay naman kahit open siya, nag-enjoy naman ako sa eksena,” nakatawang saad ng guwapitong alaga ni Jojo Veloso.
Dagdag niya, “Medyo nag-alala lang ako dahil baka mahulog kami ni Azi kaya inaalalayan ko siya. And, talagang hubo’t hubad kami sa bubong, pero naka-plaster naman.”
Ano ang mas daring, love scene nila sa bubungan o iyong threesome?
Aniya, “Siguro ‘yung sa bubong, kakaiba kasi iyon, e. Iyong threesome, matagal at babad, ako at dalawang babae iyon e. Pero iyong lampungan sa bubungan kasi, bihira lang kasi ang gumagawa niyon, e. Kaya ibang klase talaga, talagang ipagmamalaki ko iyang bubungan scene na iyan, hahaha!”
Inamin din ni Benz na sa kanilang threesome scene ng mga hottie na sina Azi at Shiena ay may kakaiba siyang naramdaman at dito’y muntik na raw mag-react ang kanyang kargada!
Kaya hindi dapat palagpasin ang Sitio Diablo na tampok din sina AJ Raval, Kiko Estrada, Pio Balbuena, Karl Aquino, Azi Acosta, Shiena Yu, Sahil Khan, Ruby Ruiz, at iba pa.
