Pulisya nakiisa sa unang araw ng Balik Eskwela 2022-2023

SA PAKIKIPAGTULUNGAN ng pulisya para sa unang araw ng Balik Eskwela, nagtalaga ng mga elemento ang mga awtoridad bilang tulong para sa ligtas na seguridad.

Dumalo at nakiisa si Laguna PPO Provincial Director P/Col. Cecilio Ison, Jr.,  sa pagsasagawa ng unang Flag Raising Ceremony at pagbubukas ng face-to-face classes para sa school year 2022-2023.

Personal na nagtungo si P/Col. Ison sa inilunsad na Oplan Ligtas Balik-Eskwela upang matiyak na mababantayan, mailalatag, at maipababatid ang mga paghahanda at pagtulong sa seguridad at kaayusan.

Pahayag ni P/Col. Ison, “Ang buong pulisya ng Laguna bilang lingkod-bayan saan man ay maaasahan ninyong tutulong at magbibigay ng buong suporta sa pamayanan. Ang ating paglalatag ng Oplan Ligtas Balik-Eskwela ay isang paraan ng pagsubaybay at pakikiisa sa platapormang edukasyon ng pagbabago na hatid ay pag-unlad at kinabukasan ng kabataan at pamayanan.  (BOY PALATINO)