Baclaran CES dinagsan ng enrollees

INIHAYAG ni Maria Carina Bautista principal ng Baclaran Central Elementary School, susunod sila sa direktiba ng Department of Education (DepEd) na walang tatanggihang estudyanteng nais mag-enrol sa kanilang paaralan.

Ayon sa principal kakaunti ang nag-enrol sa kanilang eskuwelahan ngunit nagulat siya kahapon, Sa unang araw ng face-to-face classes ay dumagsa ang mga magulang kasama ang kanilang mga anak na nais mag-enroll.

Binigyan diin ni Bautista, mahigpit pa rin ang ipinaiiral na health protocols para na rin sa kaligtasan ng mga mag-aaral laban sa banta ng CoVid-19.

Ang Baclaran Central Elementary School ay may kapasidad na 1,500 mag-aaral ngunit mapilitan silang gawing 50 mula sa 40 mag-aaral sa bawat classroom kung patuloy na madaragdagan ang enrollees sa nasabing eskuwelahan.

Dagdag ng principal, nag-request na siya ng karagdagang guro para matugunan ang biglang pagdami ng mga mag-aaral. (GINA GARCIA)