Buhay na buhay na naman ang mga ilegal

Isumbong mo
kay DRAGON LADY
ni Amor Virata

NOONG administrasyon ni Pangulong Rodrigo Duterte, daming natakot gumawa ng krimen. Ngayon nagsulputan na naman ang masasamang elemento, gaya ng mga mandurukot, holdaper, at mga rapist.

Kamay na bakal ang ginamit ng dating Pangulo, sana isentro rin ni Pangulong Ferdinand Marcos, Jr., ang kanyang atensiyon sa paglaganap ng iba’t ibang krimen sa bansa.

Sa Baclaran, ang daming nabibiktima muli ng mga mandurukot, sa Pasay Rotonda ay ganoon din. Ano na ang ginagawa ng pulisya? Dahil muling naglipana ang mga vendor, sa tong collections nakasentro ang pulis?

‘DI NA MAAWAT AT HINDI NA KAYA

Sa Muzon, San Jose del Monte, kapansin- pansin na kapag may mga nagtatrapik na enforcers, mas lalong humihigpit ang daloy ng mga sasakyan. Kaya naman sabi ng mga driver, pribado man o pampubliko, bigyan daw ng ibang trabaho ni Mayor Arthur Robes ang mga itinalagang traffic enforcers dahil hindi nakakatulong sa trapiko. Sa halip ay lalong humahaba ang pila ng mga sasakyan na natatrapik.

Katulad ng ginagawa ng DPWH sa kahabaan ng Roxas Blvd., laking perhuwisyo! Kailan ba matatapos ‘yan! Hukay dito, hukay doon! Bakit ba hindi sa gabi gawin!

***

Belated happy Birthday kina Pasay City Mayor Emi Calixto-Rubiano at kay Parañaque City District 1 Congressman Edwin L. Olivarez. Continue your public service to your constituents! Both of you are no.1 sa inyong mga siyudad, wala akong masabi sa inyong kakayahan bilang public servant.