‘Aiko’ tiklo sa droga

ISANG babaeng high value individual ang naaresto ng mga awtoridad sa isinagawang manhunt operation sa Mabalacat City, Pampanga kamakalawa.

Sa ulat ni P/Lt. Col. Protom Guevarra, hepe ng Mabalacat City Police Station (CPS) kay P/Col. Alvin Ruby Consolacion, acting provincial director ng Pampanga PPO, ang magkasanib na elemento ng Mabalacat CPS, 302^nd MC RMFB 3 Polar Base at 2nd PMFC ay nagsagawa ng follow-up operation laban sa wanted person sa 31^st St., Mawague Resettlement, Brgy. Sabang Biabas, Mabalacat City, Pampanga.

Ang operasyon ay nagresulta sa pagkaaresto kay alyas Aiko, 30 anyos, residente sa nabanggit na barangay.

Si alyas Aiko ay inaresto sa bisa ng warrant of arrest na inilabas ni Judge Edap P. Dizon-Era ng RTC Branch 60, Angeles City.

Ang akusado ay nahaharap sa kasong paglabag sa Sec.5 ng RA 9165 (Comprehensive Dangerous Act of 2002) na walang itinakdang piyansa.

Si alyas Aiko ay kasalukuyang nasa kustodiya ng Mabalacat CPS para sa dokumentasyon at nararapat na disposisyon. (MICKA BAUTISTA)