581 MMDA traffic personnel ide-deploy sa school zones simula sa pasukan ng klase — MMDA

AABOT sa 581 Metropolitan Manila Development Authority (MMDA) traffic personnel ang ide-deploy ng ahensiya sa mga school zone at mga lansangan malapit sa eskuwelahan sa Metro Manila.

Katuwang ng Department of Education (DepEd) ang MMDA para matiyak ang maayos at ligtas na pagbabalik eskuwela ng mga mag-aaral ngayong buwan ng Agosto.

Ayon kay MMDA Acting Chairman Carlo Dimayuga, tuloy-tuloy din ang kanilang pagpipinta sa mga pedestrian lane ganoon din ang paglalagay ng traffic at road signs para sa kaligtasan ng mga mag aaral.

Sa muling pagbubukas ng klase sa Lunes, 22 Agosto, inaasahang mas darami pa ang mga sasakyan sa mga pangunahing lansangan sa Metro Manila.

Dahil dito, ipatutupad ng MMDA simula ngayong araw ang expanded number coding scheme sa rush hour ng umaga simula 7:00 hanggang 10:00 am, at ang dating oras na 5:00 pm hanggang 8:00 pm. (GINA GARCIA)