HATAW! D'yaryo ng Bayan hatawtabloid.com
MA at PA
ni Rommel Placente
NOONG Hulyo 17, Linggo ng madaling-araw, isinugod si Lolit Solis sa FEU-NRMF Medical Center, Novaliches, Quezon City.
“Bandang 3:00 a.m., napansin ng kasama ko sa bahay na nag-i-slur ako,” sabi ni Manay Lolit sa exclusive interview sa kanya ng Philippine Entertainment Portal(PEP.ph).
Hindi raw nakapagsalita kaya dinala na sa ospital si Manay Lolit Maraming gustong dumalaw kay Manay Lolit ang tinanggihan niya.
Paliwanag niya, “Naku, gustong-gusto ko silang dumalaw actually, ‘di ba?!
“Siyempre! Nata-touch nga ako roon sa mga nagte-text, nagpapadala ng message. Anong-ano talaga ako, talagang touched na touched ako.
“Pero pinapagalitan na ako ng doktor ko, ‘no?! Baka mamaya, ‘yung mga doktor ko, layasan na ako!
“Mamaya, nasa kalye na ako, wala nang gumagamot sa akin.
“Complete rest daw. Eh, siyempre dahil nga taga-showbiz naman tayo, sanay tayo ng tsuk-tsuk na ang dami-daming ano,” natatawang sambit pa ni Manay Lolit.
Kahapon inilabas na si Manay Lolit sa ospital at sinasabing mapapahinga na muna ito sa kanyang online show. Ibig sabihin, hindi muna siya mapapanood sa show nila ni Mr. Fu, pero ang pagpo-post sa kanyang Instagram ay hindi niya titigilan.
