HATAW! D'yaryo ng Bayan hatawtabloid.com
ALAM MO NA!
ni Nonie Nicasio
KAABANG-ABANG ang maiinit na love scene nina Adrianna So, Kych Minemoto, at Alex Diaz sa pelikulang PaThirsty.
Wala namang threesome ang tatlong stars ng pelikulang ito na palabas na sa Vivamax ngayon, pero ang sexual bout ni Alex sa mag-BFF na sina Adrianna at Kych ay tiyak na maghahatid ng kiliti sa mga manonood.
Bigay-todo kasi sila sa matinding lampungan dito, na kabilang sa atraksiyon ng pelikula. Although para sa amin, ang PaThirsty ay hindi talaga BL movie, kundi pelikula ng pagkakaibigan, kaya tiyak na maraming makaka-relate rito.
Bukod sa mga mag-BFF, tiyak na swak na swak ang pelikulang ito sa maraming members ng LGBTQIA+ community.
Kapwa galing sa failed relationships ang mag-BFF na sina Achilles (Kych) at Pearl (Adrianna), kaya naging match maker ang huli at isinet-up ang BFF niya kay Ali (Alex). Ngunit sa hindi inaasahang twist of events, pati si Pearl ay napalapit kay Ali at dito lalong naging interesting ang kuwento ng pelikula.
Tiniyak naman ni Alex na maraming maiinit na eksena sa kanilang pelikula.
Aniya, “I think you guys gonna see very spicy love scenes, very honest chemistry and, honestly, at this point of my life, I feel like my career is so much more than just a personal thing.
“It has become a beacon for a lot of people who don’t see representation in the media and, for me, that gives me so much purpose. Palagi naming sinasabi na sexuality is really not an issue… for me, if the material is good, if the material can stand, we’ll do it.”
Tampok din sa PaThirsty sina Chad Kinis, Bob Jbeli at Kate Alejandrino. Ito’y mula sa direktor ng Game Boys na si Ivan Andrew Payawal.
