Kiray nagpa-money cake ng P63K at alahas sa kanyang tatay

MA at PA
ni Rommel Placente

BONGGA si Kiray Celis, huh! Noong ipagdiwang kasi ng kanyang ama ang ika-63rd birthday nito ay P63k ang iniregalo niya rito.

Ayon kay Kiray, handa siyang gastusan ang ama at ubusin ang kanyang savings mula sa pagtatrabaho bilang artista, para lang mapasaya ang kanyang mga magulang.

Idinaan pa ito ng komedyana sa pamamagitan ng isang money cake.
 

“Maubos man ang ipon ko sa kakapa-money cake sa inyo every birthday niyo ni mama, okay lang,” sabi sa caption ni Kiray sa in-upload niyang TikTok video.

“Sobrang thankful at blessed ako taon-taon na nadadagdagan lagi ang buhay niyo. Mahal na mahal ko kayo papa at mama!” pahayag pa ni Kiray.

Bukod sa cash, niregaluhan din ni Kiray ng alahas ang kanyang ama.

Ang birthday wish naman ng tatay ni Kiray ay maayos na kalusugan para sa kanya at sa buo nilang pamilya, lalo na sa kanyang misis.

O, ‘di ba,  nakatutuwa si Kiray, isa siyang mapagmahal na anak sa kanyang mga magulang.

Next year sa ika-64 kaarawan ng ama, siguradong p64k naman ang ireregalo rito ni Kiray.