Kahit choosy sa paggawa ng movie
NADINE NAPA-OO DAHIL KAY MIKHAIL RED  

SHOWBIZ KONEK
ni Maricris Valdez Nicasio

NAIINTINDIHAN namin si Nadine Lustre kung ang naging basehan niya sa pagpayag na tanggapin ang Deleter ng Viva Films ay ang direktor nitong si Mikhail Red. Ako man, sobrang humanga sa batang direktor nang mapanood ko ang pelikula niyang Birdshot noong 2016 na pinagbidahan nina John Arcilla at Mary Joy Apostol. Ibang siyang direktor at talagang mahusay.

Sa story conference ng Deleter noong Lunes ng gabi sa Botejyu Estancia, inihayag ni Nadine na naging choosy siya sa pagtanggap ng pelikula. Pero nang i-offer ang Deleter na si Mikhail din at ang kapatid niyang si Nikolas ang nagsulat aba eh sinunggaban agad ng aktres.  

Rason ni Nadine, “Ayaw ko po kasi ‘yung jump scare lang tapos nakakatakot lang.  Sobrang nae-enjoy ko ‘yung pelikulang may back story.”

Gagampanan ni Nadine ang karakter ni  Lyra, isang online content moderator na naaatasang mag-filter ng graphic content na ibinabato sa kanya. Siya ang naging dahilan para mabura ang isang suicide video na ginawa ng kanyang co-worker.

Bukod sa pagiging choosy, gusto rin ni Nadine na natsa-challenge siya sa mga project na ginagawa niya,

“I always choose projects that are challenging kasi I want to challenge myself. Gusto ko po kasi ‘yung nahihirapan ako. Gusto ko po ‘yung nasa labas ako ng comfort zone ko kasi that’s growth.” 

Napag-alamin naming matatakukit si Nadine pero bagamat matatakutin eh, gustong-gusto naman niyang nanonood ng horror films dahil aniya gusto niyang tinatakot ang sarili niya.  

Magsisimula na ang shooting ng psychological thriller kasama sina Mccoy de Leon at Louise delos Reyes.