Bea never maiilang kapag nakita si Gerald

MA at PA
ni Rommel Placente

SA interview ni Bea Alonzo kay Nelson Canlas, tinanong ng huli ang una na kung sakaling makakasalubong niya in one place or another ang isa sa kanyang ex-boyfriends, ay handa ba siyang harapin ito na hindi niya iiwasan. Ang sagot ni Bea ay wala naman siyang ginawang masama para ma-bother kung sakali ngang magkita sila ng ex-boyfriend.

Sabi ni Bea, “I will just hold my head up high kasi ako ‘yung walang ginawang masama.

“And just, you know, walk straight, I guess, kasi hindi ikaw ‘yung maiilang kasi ikaw ‘yung walang bagahe sa konsensya mo, eh.”

Pero hindi siya maghe-hello rito dahil hindi naman sila magkaibigan.

Hindi pinangalanan nina Bea at Nelson kung sino ang ex-boyfriend na sinasabi sa interview.

Pero  obvious naman sa naging pahayag ni Bea na si Gerald Anderson ang tinutukoy niya. Hindi kasi naging maganda ang hiwalayan ng dalawa.

At sinabi niya rin sa isa pang interview niya before, na okey lang na makatrabaho niya ang ex na si Zanjoe Marudo, pero ‘yung isa ay hindi. Hindi man pinangalanan ni Bea kung sino ang tinutukoy niya, marami namang nagsasabi na si Gerald ‘yun.

Mukhang galit pa rin talaga si Bea kay Gerald, huh! Pero sana kalimutan  niya na ang galit niya sa dating minamahal dahil masaya na naman siya sa piling ng boyfriend na si Dominique Roque, ‘di ba? Ipakita niya na hindi siya apektado sa paghihiwalay nila noon ni Gerald.